Kyrkjebok, Lindås, Hordaland, 1839

[16163]

I kyrkjeboka for Lindås er tvillingar Eilev og Mons nr. 5 og 6 av foreldre Johannes Tollevson og Karen Eilevsdotter Fjeldanger oppgitt med to ulike fødselsdatoar.
http://www.arkivverket.no/URN:kb_read?idx_kildeid=11579&idx_id=11579&uid=ny&idx_side=-14
I kyrkjeboka for døde står det at Eilev døydde 26. desember linje 6.
http://www.arkivverket.no/URN:kb_read?idx_kildeid=8290&idx_id=8290&uid=ny&idx_side=-14
Men ute til høgre under dødfødte post 1 står det ein merknad som eg ikkje klarar å tolka.
Med helsing
Per Utne

[Ivar Ståle Ertesvåg]

det verkar unekteleg litt merkeleg dette, at ein dødfødd er døypt to dagar etter fødselen...

Merknaden: "Efter Hans Jacobsen Fjeldangers og Jordemoderens Angivelse den 18 Decbr. nedkom Konen med 2 Drengebørn hvoraf dette var aldeles henfalden(?). Fødselen var naturlig og let og har hun ikke fød dødfød Barn tilforn. Jdemd: Marthe Mons(? eller Mort?) Dr Fjeldanger."

[16163]

Takk for svaret, Ja dette er merkeleg som du skriv.
Med helsing
Per

[dn20182]

Jamvel om barnet er ført i rubrikken for dødfødde, er det vel kanskje eit spørsmål om "henfalden" kan tyde at han var fødd svak, men ikkje død. (Då er det rart at han ikkje har merknad om heimedåp.) Lenke til Ordbog over det danske sprog: http://ordnet.dk/ods/opslag?id=461129

Rett nedanfor har presten skrive rett ut at dette barnet var dødfødd.

Elles ser det ut til at dødsfallslista på fyrste sida i det nye kyrkjeåret har 18 nummererte dødsfall, men 19 namn, det verkar som nr. 6 er barnet Erik Karlsen, slik at Ellev ikkje har fått eit eige nummer?

[Ivar Ståle Ertesvåg]

Eg trur forklaringa er slik: nr. 6, Mons f.19.des. er ikkje tvilling med Eiliv, f.16.12. Det er den streken som er teikna opp, som forvirrar. Om vi tel opp nummer, datoar, barn og fadderflokkar, vert det 13 av kvart slag. Men berre 12 foreldrepar er nemnde i rubrikken "Foreldre". Det kjem av at foreldra til nr. 9 er ført under namnet på barnet. (Og vi ser at faddrane er skotne inn med lita skrift mellom faddrane til nr. 8 og 10.)

For å auke forvirringa, er Eiliv ført inn som død, 8 dagar, utan nummer og dato. Her har kort og godt presten rota.

Tvillingbroren er (død)fødd same dag som Eiliv er fødd, 16.12. Eiliv er døypt 18.12. Same dagen får presten melding om dødfødselen frå Hans Jacobsen Fjeldanger og jordmora Marthe Monsd. Fjeldanger, som begge er faddrar for Eiliv.

"aldeles henfalden" tyder nok at fosteret hadde byrja å vise teikn til å gå i oppløysing.

[dn20182]

Ja, her spørs det nok om ikkje presten var på ein snurr... I dåpsinnførsla har Mons ikkje same foreldre som Ellev. Kan det vere to småbarn gravlagde saman?

[Ivar Ståle Ertesvåg]

Presten var nok edru...

Mons har ikkje noko med denne familien å gjere - og han levde tydelegvis lenger enn Eiliv. Den dødfødde broren fekk ikkje namn.

[16163]

Eg takkar atter mykje for svara. Siste innlegget samsvarar med det som står i Bygdebok for Lindås: Eilev f. 1838 d. 8 dg. gammal og dødfødd son f. 1838 (tvilling med Eilev).
Med helsing
Per Utne