Ei forsvinningsgåte: Knut Jetmundsson Skjaastad f. 1830

[gj24069]

Hei

Bror til mi tippoldemor ser ut til å forsvinne heilt utan spor i 1854.
Knut Jetmundsson Skjaastad var fødd 6. august 1830 på Skjåstad i Hjørundfjorden. I 1849 får han lærarposten for Storfjorden (inste del av Hjørundfjorden), men slutta i 1854 i fylgje kultursoga bind 2. Dette kan henge saman med at han vert oppført som barnefar for to born fødde utanfor ekteskap.

9. oktober 1853 vert Bernt Edvard Knutsson Skjaastad/Skaar døypt i Hjørundfjord kyrkje. Her vert barnefaren Knut Jetmundsson Skjaastad nemnt "gesell". Jfr. ministerialbok.

11. juni 1854 vert Marta Birgitte Knutsdotter Skjaastad/Bjørke døypt same stad. No står det "forhenværende skolelærer" som tittel for barnefaren Knut.

http://digitalarkivet.arkivverket.no/ge ... 0000253831

http://gda.arkivverket.no/cgi-win/webce ... rk=63#ovre

Han får utsteda pass for å reise til Bergen 26. april 1854. Avreisedatoen er oppført som 27. april. Her står også at han har tent hos "J F Scheldrup". Eg finn ingen Scheldrup i Hjørundfjorden på den tida. Der er fleire Scheldrup/Schelderup andre stadar i fylket, men finn ingen med "J F" det kan høve for. Sjå linkane. Eg finn han ikkje som registrert utflytta i kyrkjebøkene for Hjørundfjord.

Eg veit det står i enkelte slektstre på nettet at han skal vere død i USA, men har ikkje funne noko som helst elles som kan dokumentere dette. Det kan kanskje vere ei samanblanding med sonen Bernt Edvard, som utvandra i 1883. Han kalla seg etter kvart Edvard Knutson, var ugift i folketeljinga i 1900 og budde i Township 152, Ward, North Dakota saman med familien til søskenbarnet/fosterbroren Johan/John Riise/Rice. Dei kallar seg "partner," så dei driv vel farm saman. Seinare dreg John Rice med familie vidare til Montana, men Edvard Knutson ser ikkje ut til å fylgje med, og her forsvinn også alle spor etter han. Har vore i kontakt med etterkomarar av John Rice, men dei veit heller ikkje meir.

Har nokon tips til korleis ein kan kome vidare med dette? Det ser ut til å vere mangelfullt med emmigrant/immigrant-protokollar både her og i USA på denne tida. Eg har søkt gjennom ancestry.com utan resultat med alle tenkjelege variantar av namnet.

[gj12185]

Svært mange emigranter kom inn i USA via Canada, hvis du ser på destinasjonen til båtene i norwayheritage.com, så er ofte Quebec sluttmålet. Det finnes søkesider for Canada, men jeg har mistet endel materiale, så jeg kan ikke hjelpe deg med linker. Listene for grensepasseringer til USA er ganske mangelfulle.
Jeg skjønner godt at du har tatt høyde for staving av navnet, herremannen du leter etter har jo et mildt sagt vanskelig navn å håndtere på engelsk...

[gj24069]

Det er slett ikkje sikkert at han drog til Amerika. Kanskje han vart verande i Bergen eller andre stader i nærleiken?

Eit spor eg prøvde å fylgje, var at Knut Olsson Bjørke, f. 1831, verka som lærar i Hjørundfjorden samstundes som Knut. Han gjekk ut frå Stord seminar i 1854. Han var seinare lærar på Voss høgre allmennskule og Hå på Jæren. Men har ikkje funne noko meir.

Eg har sjekka i kyrkjebøkene for Bergen, men finn ikkje Knut som innflyttar. Og i folketeljinga frå 1865 har det ikkje lukkast å finne nokon som kan passe nokon stad i landet. Om han slo seg ned ein annan stad i Noreg, ville han vel teke namnet på staden som nytt "etternamn", med mindre det var i ein by, går eg ut frå. Det skal ikkje vere lett...

[dn04977]

Samme tema her:

https://slektsforum.slektogdata.no/view ... highlight=

Mvh
Ingmar

[Ivar Ståle Ertesvåg]

Og her: http://forum.arkivverket.no/topic/19662 ... ad-f-1830/

http://forum.arkivverket.no/topic/19660 ... skjaastad/