Jens Andersson, f. kring 1735

[dn08004]

Hei!

Eg er på leit etter ein Jens Andersson som gifte og busette seg i tidlegare Borgund.
Han var fødd kring 1735.
Jens gifte seg 27. mars 1769 med Elen Pedersdotter Tryggestad (som eg heller ikkje finn bakgrunnen til - sjå tidlegare emne her.) Trulovinga skjer 2. februar 1769. Her bur Jens i Urvigen, og trulovinga avslører at dei tjente saman hjå Niels Terben [red. Terøen] - nokon som veit noko om han, og kvar han budde?

Dei fekk to born, der det andre vaks opp:
1. Birte, døypt 21.5.1769, fødd i Urvika på Sula (Borgund).
2. (Birte) Malene, døypt 14.1.1774, fødd på Flisholmen i Borgund. Ho kom seinare til Åslida i Austefjorden, Volda, og sette familie der.

Eg legg merke til at den eine fadderen i dåpen i 1769 heiter Gunhild Jensdotter Kipperberg. Ho døyr 87 år gml i 1779. Eg meinar å hugse eg fylgde spora hennar til Svortevika i Skodje, men fann ingen Anders som kunne vere faren til Jens Andersson.

Ei av dei beste opplysningene me får er ei opplysning i Birte Malene sin dåp i 1774, der det stend at Jens tidlegare budde i Hareids sogn. Er det nokon som har kome over ein Jens Andersson i Hareid?

Jens døyr i Eikenosvågen i 1784. Elen giftar seg oppatt med Jetmund Amundsson Stadsnes, og blir buande i Eikenosvågen til ho døyr i 1786 (sjå meir om ho i foruminnlegget eg linka til før).

Håpar verkeleg på svar! Her er eg no på bar bakke.

Mvh. Gunnar

[Ivar Ståle Ertesvåg]

Korleis veit du at det er snakk om same Jens Anderson? (Urvik, Flisholm)

Jens, Anders og Elen/Eli var ganske vanlege namn....

Er det skifte etter Jens?


Ei mogeleg kjelde er Ekstraskattemanntalet 1762. Det er ikkje lagt ut skanna bilete på Digitalarkivet, men det skal vere mikrofilma (dvs. at det kjem med tid og stunder). Papirversjon (fotokopi, trur eg) på Statsarkivet i Trondheim.

Hugs at Hareid sokn også var Vartdal og sørsida av Sula.

[Ivar Ståle Ertesvåg]

Takka vere skifteregisteret http://digitalarkivet.no/cgi-win/webcen ... k=873#ovre
finn vi lett fram til skifte etter Jens:
http://arkivverket.no/URN:sk_read/24568/386/
Her er dottera kalla "Berthe Malena Ingebrigtsdatter(!), 10 år", i innleiinga, men "Malena Jens Datter" under utlottinga.

Men det er ikkje noko meir å hente her.

[dn08004]

I alle dagar! Slik som eg har leita og leita, men ikkje funne Jens sitt skifte... Pinleg. Men takk! Eg har også skiftet etter Eli her: Skifte 1787, men er usikker på om eg kan lese noko nytt her. Hennar bakgrunn er nemleg også vanskeleg å finne. Eg har ikkje så mykje erfaring med akkurat skifta, men prøvar å lære.

Tusen takk, Ivar!

Gunnar

[Ivar Ståle Ertesvåg]

I alle dagar! Slik som eg har leita og leita, men ikkje funne Jens sitt skifte... Pinleg.

Ikkje så veldig pinleg, eigentleg.

Det vart lettare å leite frå august i år.....
Då la Arnstein ut skifteregisteret (sjå "dokumentasjon" i lenkja til registeret.).

[6820]

Tror kanskje denne som Jens Andersen tjente hos ved trolovingen er Niels Terøen? Terøen er i Haram prestegjeld.

[Ivar Ståle Ertesvåg]

Marianne har rett: Det står Nils Terøen. (b-en er annleis, jf "Februar" og "September".)
Men: Terøya var i Borgund sokn (Søvikbygda).

Det står klart at Jens budde i Urvik. Det er namnet på ein gard på Sula (også Borgund sokn), og nesten så langt frå Terøya ein kan kome i soknet....
Så anten var det ein plass på Terøya som heitte Urvik, eller så budde ikkje Nils Terøy på Terøya. Eit tredje alternativ er at Jens dreiv eitt eller anna bruk (handel, handverk, ...) på Urvik for Nils, medan Nils sjølv budde på Terøya.

[6820]

Selvfølgelig var Terøya under Borgund på den tiden : ) Denne nordre delen av gamle Borgund er omtalt i band 4 av Borgund&Giske. Verdt å lese om naboøya Bjørnøya også, tett hopehav.

Jeg har ikke Borgundbøkene her, men i band 3, vil man finne om handlende/eierskap i Urvika. Det kan være interessant å lese det som er under Vågneset/Vågnesholen også, handelssted en km lenger øst. Det lå flere handelssteder på noen få km. på sørsida (Sula) av Borgundfjorden. (Merk at Sula er ikke et fellesnavn for et område på den tiden, det er først i nyere tid noen identifiserer seg som sulalending.)

I http://www.soga.no/bjodale er der mye omtale av handelsstedene på Sunnmøre og deres tildels skiftenede eiere.

Finner en Jens døpt 1728 (tvilling) i Borgund, hans far Anders Andersen bosted Norddalen, om Jens fant kona si på "heimetrakter" så er jo Tryggestad også der. Ser at fadderne kommer fra handelssteder rundt Borgundfjorden.
http://www.arkivverket.no/URN:kb_read?i ... _side=-177

[Ivar Ståle Ertesvåg]

(Merk at Sula er ikke et fellesnavn for et område på den tiden, det er først i nyere tid noen identifiserer seg som sulalending.)

Kva dei identifiserte seg som, veit vi lite om. Men namnet Sula, om øya, var nok kjent. Hans Strøm brukar det ("Suløe") i "Beskrivelse over Fogderiet Søndmør" (bd.2 trykt 1766, skrive ca. 1760).

Strøm har elles ingen kommentar til "Urviig" (t.d. at det er handelssete). Skylda er berre 6 merker (trur han brukte tal frå 1757), og det er på grensa til ingenting. Likevel er det både gardmann og husmann på garden. Det vil seie at dei må ha levt av andre ting enn jordbruk (dei må sannsynlegvis ha kjøpt/bytta til seg det meste av maten som ikkje var fisk).

[6820]

Tror ikke vi skal spikke på denne, Ivar. Min hensikt er at man finner ingen gårder på nordsida av Sula, Borgund pr.gj. (gjelder dette tema) som er registrert i/på Sulen (Sula).

Derimot på sørsiden er der garder som har navn som assosieres med navnet Sula, bl.a. mitt etternavn(som tidl. var Flesjesund) og Sulebust, Sulebakk. Det interessante er at fortsatt sies om folk at de bor ut i Sula (ude i Sulen har jeg funnet), da snakker man om 'søom' Sula, ytterste sørside.

Sør og nord på Sula var 'to forskjellige verdener' - fjorden bandt sammen - sørsiden hørte til Hareid i Ulstein pr.gj. og nordsida hørte til Borgund. (Borgen).

[dn08004]

Så flott med linken til Jens Andersson, dpt. 1.8.1728! Om det er denne Jens me leitar etter, skal mora heite Lisbet Olsdotter Hundsvær, etter introduksjonslistene (øvst på andre sida). Eg har ikkje Sulasoga tilgjengeleg heller, men får ta ein tur på biblioteket måndag, om ingen andre kjem meg i forkjøpet her, då! Hundsvær var vel også ein av handelsstadane i Borgund?

Etter fadderane å døme er det vel nærliggande å tru at Anders og Lisbet heldt til på Hundsvær, ettersom flesteparten var derfrå. Elles er der nokre namn ein kan gå etter: Ole Andersen Nørvasund, Brite Olsdotter Hundsvær og Mari Olsdotter af Molvær. Treng ikkje tyde noko, men kan vere tanter og onklar av fadderborna.

Eg har bladd gjennom heile band 1 av Norddal utan å finne ein Anders Andersson i det aktuelle tidsromet. Band 2 har eg ikkje tilgjengeleg, men er truleg også på biblioteket.

Gunnar

[dn08004]

Eg finn også (mest truleg) den same Jens konfirmert i Borgund i 1748 (17 år gml), framleis med Hundsvær som bustad. Vert spanande å sjå kva eg finn under Hundsvær i Sulasoga. Har sjølvsagt gått på mange bomturar i liknande samanhengar - men eit lite håp tek eg med meg.

[dn08004]

Diverre ikkje mykje nytt frå biblioteket. Hundsvær (eller Tyskholmen) stod omtala i Borgund-bøkene, men ingen kjende namn der. Ser på kartet at Hundsvær og Tyskholmen er to øyer som ligg rett nord for Urvika.

Har også sett gjennom Norddal band to, og leita etter Jens Andersson og Anders Andersson, men ingen aktuelle å finne. Var Norddal større geografisk på denne tida, kanskje?

[Ivar Ståle Ertesvåg]

På denne tida var Norddal prestegjeld Norddal, Sunnylven og Geiranger sokn. Trur ikkje grensene mellom sokna er endra (før kanskje i nyare tid, dvs. etter 1960).

Sunnylven og Geiranger vart eige prestegjeld 1861 og har eigne bygdebøker (skanna og tilgjengelege på Nasjonalbiblioteket sine sider.)

[6820]

Bjørn Jonson Dale har endel om handlende bl.a., du finner det her:
http://www.soga.no/bjodale/

[dn08004]

Nok ein gong takk for gode tips og råd!

Etter å ha søkt gjennom Sunnylven og Geiranger band II, sett gjennom FT-1701 (Sunnelvens skibrede) og samt sett gjennom interessante artiklar av Bjørn J. Dale, stend eg framleis utan svar.

Nokre ting har eg likevel funne:
Jens hadde to syskjen:
1. Karen, som var Jens si tvillingsyster, dpt. 1.8.1728
2. Ingeborg, dpt. 27.1.1732

Mora er den same, Lisbet Olsdotter (blei introdusert like etter).
Faren Anders Andersson vert i begge dåpane nemnd som Anders Andersen af Nordalen. Der er ein Anders Anderss. af Nordalen som blir gravlagt 8.5.1749, men det treng sjølvsagt ikkje vere den same. Der stend om han (slik eg tolkar det) "en Halv-blind Betler, som nu hafde tilhold hos Blomvig, og der døde, gl. mod 70 Aar".

Finn ikkje Lisbet blant gravlagde i Borgund (søkemotor på Digitalarkivet), ei heller vigsla mellom Lisbet og Anders. Må vel rekne med dei var gifte ettersom borna ikkje er merka som "uekte".

Gunnar