Jens Olsen Hammeren f. ca 1770

[Magnar Husby]

Jens Olsen Hammeren blir konfirmert i Tingvoll kyrkje i 1786. Eg trur det var denne Jens Olsen som i 1801 tente på Gyl, og som døydde 22.mai 1804 og vart gravlagd 3.juni. Da var han trulova med Lisbet Andersdotter Hjellen frå Øksendalen og i tillegg til å vere dreng på Gyl (Juul) hadde han fått eit plassrom. 14. oktober (20. søndag etter Trinitatis)1804 blir sonen hans Jens Jensen døypt, fødd 9. oktober. Han blir konfirmert som Jens Jensen Husbye i Øksendal 17 februar 1822, og seinare vart han husmann på Trøa i Øvre Jordal i Jordalsgrenda. Men Hammeren , kva gard er det i Tingvoll! Og kva står det om familien hans der i Tingvollboka?

[Magnar Husby]

Kom til å tenkje på at det kanskje var eit skifte etter Jens Olsen. Og det var det:
http://arkivverket.no/URN:sk_read/24656/335/
Her kjem det og fram, måndag 9. juli 1804, at den trulova var Lisbet Andersdotter Giellen frå Sunndal prestegjeld, og at ho var med barn. Den einaste arvingen utanom Lisbet var søstera Gjertrud Olsdotter Havdal, 34 år gamal, som tente hos John Havdal, som og var formyndar. Alderen til Jens Olsen er og oppgjeven til 34 år, så da må dei vel ha vore tvillingar?

[Knut Sæther]

Hei Magnar.

Vi finn ein Jens Olsson døypt i Tingvoll 1767 (i slutten av mai er det vel). Faren var Ole Brevik – sjå venstre side:

http://www.arkivverket.no/URN:kb_read?i ... _side=-248

Mora vart introdusert i byrjinga av juli, og vi ser at ho heitte Brit Jensdotter – sjå høgre side:

http://www.arkivverket.no/URN:kb_read?i ... _side=-249

Det må vere same foreldra som hadde ei dotter Gjertrud til dåpen hausten 1769. Her står faren oppført med "fullt" namn: Ole Andersson Brevik. Sjå venstre side:

http://www.arkivverket.no/URN:kb_read?i ... _side=-286

Ved introduksjonen til mora i desember same året er mannen hennar utstyrt med namnet Hammeren – sjå venstre side:

http://www.arkivverket.no/URN:kb_read?i ... _side=-288

Truleg er det dette paret vi finn gift i juni 1766. Her er det brura som er kalla Hammeren. Så sant eg ikkje les feil, ser det ut til at mannen var frå Sunndalsøra – sjå venstre side:

http://www.arkivverket.no/URN:kb_read?i ... _side=-235

Sjansen er nok stor for at det var sonen til desse du fann konfirmert i 1786.

Kva så med denne drengen på Gyl i 1801? Alderen hans er i folketeljinga oppgjeve til 34 år, og det samsvarar godt med 1767 som fødselsår.

Den Jens Olsson som det var skifte etter i 1804, hadde altså ei søster Gjertrud som da var 34 år gammal. Ho var altså f. ca. 1770.

Konklusjon: Denne Jens f. 1767 kan vel vere ein god kandidat som ”din” Jens.

Så spørst det kva som står om desse personane i gards- og slektshistoria for Tingvoll. Sjølv har eg ikkje tilgang til dette bokverket for tida. Når det så gjeld namnet Hammeren, har eg kome over noko interessant i bind 4 av Sunndalsboka i samband med at ein husmann og kona hans reiste frå prestegjeldet rundt 1853. Det står om desse personane at dei flytta til Tingvoll, ”hvor de hadde kjøpt gården Breviken (også kalt Hammaren)”. (Mi utheving.) I FT 1865 finn vi elles nokre husmannsfolk på Hamran i Tingvoll.

Helsing Knut.

[Magnar Husby]

Takkar så mykje for fyldig svar. Eg hadde og tidlegare sett fødselsåret til Jens Olson til 1767. Men på grunn av dei lite nøye årstala og det at han var konfirmert først i 1786, gjekk eg bort frå det, sjølv om eg og tidlegare hadde tru på at Ole i Brevika var faren. Men no har vi så mange indikasjonar at eg trur konklusjonen din er rett. Da står det att å identifisere Ole og Brit i Brevika. Men eg har heller ikkje tilgjenge til Tingvollbøkene, så det var grunnen til at eg la dette inn i slektsforumet: Å få vite kva som står der. Og det synest eg det framleis er verdt å få vite.

Det er eit stort problem å få lånt desse Tingvollbøkene, og dei finst ikkje på antikavariat heller så langt eg har funne. Eg bad difor folkebiblioteket om å ta opp i bibliotekvesenet at desse bøkene bør digitaliserast i Nasjonalbiblioteket sin bokbase alt for omlag eit år sidan. Dei noterte iallfall ideen.

Eg arbeider eigentleg med familien til Jens Jensson f 1804, som altså hamna på Trøa i Øvre Jordal i Jordalsgrenda og hadde vorte gift med Brynhild Olsdotter frå Sjølsetbakken. Dei hadde ein son Erik fødd i 1844, og både i Sunndalsboka og i boka di står det at han vart gardbrukar på Berge. Eg lånte difor Gjemnesboka bind 8 og slo opp. Og der står det side 242: Erik Jordal var brukar frå 1881 til 1908. Erik f. i Øksendalen 1844 d 1919. Lærar på Bergsøya, Sjå boka Skogstad og Staeættene frå Kvikne, s 306". Barna hans får namna Andreas Kristian, Johan Bernhard, Kristine (og barna hennar: Aliv, Kåre, Arthur, John) og Lina. Denne namninga får eg ikkje til å stemme med tradisjonen frå familien på Øvre Jordal. Så eg kan ikkje skjøne at identifikasjonen av denne Erik som Erik fødd i Øksendalen er rett. Skogstadætta hadde ei grein på Kanestraum. Kanskje den Erik som vi her har med å gjere hadde noko med Jordal i Surnadalsfjorden å gjere? Slik at vi her snarar rundt ein gamal identifikasjonsfeil?

Jens Jensson hadde ellers ei søster Synnøve som vart gift med Ole Olson Skjøllend og reiste med to barn til USA. Dei har eg funne att i Summit, Lake, South Dakota med fleire barn. Der bur dei både i 1900, 1910 og 1920. Dei brukte etternamnet Sjolland (som liknar meir på skrivemåten i Sunndal den tida dei reiste).

[Erik Hov]

Tja.....jeg har ikke Tingvolbøkene og har hatt samme problemet med det å få tak i dem. Har de fleste andre bygdebøkene med gard og slekt fra Møre og Romsdal. Siden jeg ikke fikk kjøpt Tingvollbøkene ,lånte jeg dem inn å skrev av slektshistorien ,hvertfall det som vedrører navn og datoer og etc. Derfor er ikke det jeg har komplett.
Men jeg finner noe om familien. Familien er listet på Brevik (Brevik er i bind 2 side 28 og utover).
Det jeg har notert er følgende
Ole Andersen ,Sunndalsøra ,død 1785 ,kjøpte garden ,skjøte 4-10-1765 ,gift 1766 med Brit Jensdatter Hamaren. Før Ole hadde Mikkel Andersen Hafell ,født 1709 vært bruker på Brevik og han var gift med enka Maret Jensdatter Endreset fra Frei. Denne Maret kan ha vært søster til Ole Andersen`s kone Brit. og hun var trolig søster til forrige bruker på Brevik. Jeg har listet 5 barn av Ole og Brit ,Jens født 1767 ,Gjertrud 1769 ,Hans 1775 ,Anders 1780 og Isak ,født 1782.
Vet ikke hvor Anders og Isak er født ,men Johann Wedege fikk skjøte på Brevik 4-10-1779 som han gav til sønnen Henning Junghans Wedege 27-11-1796.
Den eneste av disse søsknene man finner mer om i Tingvollbøkene ser ut til å være Jens Olsen.
Han finnes på Kråkneset under Gjul i Tingvoll. Kråkneset var først husmannsplass under Sivertstua Gjul og såvidt vites eldste husmannsplass på Gjul. Det som står om Jens er ikke mye....(rundt side 105 i bind 2)
Jens Olsen Brevik f 1767 d 1804 bygsel her ca 1803. Videre at han skulle blitt gift med Lisbet Andersdatter fra Sunndal og det er nevnt deres sønn Jens Jensen ,født 1804 ,men det står ikke mer om denne Jens Jensen.
Denne Synnøve gift Skjøllend står var datter til "Jens Jensen Hjellen og Brynhild Olsdatter Sjølsetbakken" og Sunndalsboka 5 side 88 lister opp 7 barn hvorav Erik var yngst og født 1844.
Dette kaster vel ikke mye lys over hvem Jens Olsen egentlig var sønn til ,men dette er hvertfall det jeg kan finne fra Tingvoll bygdebok.
mvh Erik

[Magnar Husby]

Takk for informasjonen frå Tingvollboka! Nyttig! Og giftarmålet til Ole Andersson frå Sunndalsøra stod i kyrkjeboka for Tingvoll 1866. Og når han døyr i 1785 står det at han var 50 år gamal, altså fødd ca 1735. Men førebels har eg ikkje funne nokon truverdig kandidat til å vere denne Ole Andersson.

[Magnar Husby]

Eg har sett nærmare på identifikasjonen av lærar og gardbrukar Erik Jordal på Bergsøya. Og trass i namninga på barna har eg kome til at identifikasjonen truleg er rett. Eg har ikkje funne giftarmålet hans, men i folketeljinga i 1910 er han skriven som Erik J Jordal, og den oppgjevne fødselsdatoen 27. oktober 1844 svarar eksakt til fødselsdatoen til Erik Jensson Jordal frå Trøa i Øvre Jordal i kyrkjeboka for Sunndal.