Ane Jonsdotter Dalen f 1799

Moderator: MOD_Møre_og_Romsdal

Svar
Magnar Husby
Innlegg: 562
Registrert: 25. mars 2009 kl. 21.03
Sted: ELNESVÅGEN

Ane Jonsdotter Dalen f 1799

Legg inn av Magnar Husby » 17. oktober 2010 kl. 10.29

Ho er oppført i Gjemnesboka 1 side 372 under Søstervold/Trøen. Eg har fått det for meg at ho nok er identisk med Anne Jonsdotter f 1799 (?) i Sunndalsboka bind 5 side 50 øvst. Og dermed mor bl.a. til " 4)Gunnar f 1831. Han ble en av sin tids største vekkelsespredikanter i Norge, Gunnar Larsen Graven; utflyttet 1865 til Stjørdal og utvandret 1870 til Amerika, hvor han ble prest i Syd-Dakota og døde sommeren 1903". Her er nokre lenkjer frå Øksendalen:
Annes død (etter alderen oppgjeven her må ho vere fødd i 1799):
http://www.arkivverket.no/URN:NBN:no-a1 ... 680166.jpg
Annes giftarmål (her stemmer ikkje alderen heilt, og ho er forsynt med etternamnet Jordahl:
http://www.arkivverket.no/URN:NBN:no-a1 ... 630327.jpg
Men denne kontakten med Øksendalen er lett å forklare når ein veit følgjande: Jon Pederson Dalen f 1758 i Oppistua Dalen, døydde alt i 1801. Da gifta mora seg, som også heitte Ane Jonsdotter, med Gunnar (Gunder) Olson Bjerkeset f 1775, son til Ole Jakobson Børset og Gjetrud Olsdotter Bøen (Husby) frå Øksendalen. Han var altså stefar når Ane voks opp. Truleg er vekkjelsespredikanten oppkalla etter han. Men tilknytninga til Øksendalen og Jordalsgrenda er mykje djupare enn det. Farbroren til Ane, Ole Pederson Dalen f 1764, var gift 1790 med Berit Jonsdotter Bruset/Børset også frå Øksendalen. (Dei flytta til Ugelstad på Eide, etterpå til Nedal på Averøya. 5 barn). Denne Berit var søster til Lars Jonson Bruset/Børset på Høgset gift med med Sigrid Johansdotter Børset, og ho hadde 4 søskenbarn som var gift til Jordalsgrenda, mellom anna gardkona Marit Danielsdotter gift med Ole Kristofferson Jordahl (sjå forlovarane).
Altså: Mykje peikar i den lei eg har gissa. Men eg har ikkje funne dokumentasjon som provar teorien min. (Eg har ikkje undersøkt alle fadrane enno). Men kanskje nokon har vore borti slik dokumentasjon?

Magnar Husby
Innlegg: 562
Registrert: 25. mars 2009 kl. 21.03
Sted: ELNESVÅGEN

Re: Ane Jonsdotter Dalen f 1799

Legg inn av Magnar Husby » 19. oktober 2010 kl. 22.56

No har eg sett gjennom fadderlistene, utan at det hjelpte meg vidare i første omgang (men det er nokre namn eg ikkje har undersøkt identiteten til). Men så prøvde eg å finne noko om mor til Anne Jonsdotter. Ifølgje Leivdal heitte ho og Anne Jonsdotter. Ho var fødd i 1763 ifølgje Leivadal, men meir har han ikkje om henne. Og da kom eg til å tenkje på at Berit Jonsdotter Bruset/Børset hadde ei søster Ane. Og det viste seg at ho og var fødd i 1763, og konfirmert som Anne Jonsdotter Børset i Øksendal i 1781 (Eg har leita etter kvar ho vart av, og aldri funne noko). Da vart det interessant å sjekke fadderlistene til barna til Berit og Ole Pederson Dalen. Da eldste sonen deira, Peder Olson Dalen, vart fødd i 1792, var desse fadrar: Lars Jonson Dønnem (bror til Berit og Anne frå Bruset/Børset i Øksendalen), Jon Pederson Dalen, enkja Anne Olsdotter Dalen (frå Skeidsmyra - og mor til Jon og Ole på Oppistua, Dalen), og "pigen Ane Jonsdatter Dalen".
Dette tyder på at søstera til Berit vart tenestejente i Dalen da Berit vart gift der, og seinare altså gift med svogeren hennar, Jon. Eg har leita etter ein del skifte. No har eg fleire å leite etter. Men eg har framleis ikkje funne bevis for at indisiane ovanfor er rette.

Magnar Husby
Innlegg: 562
Registrert: 25. mars 2009 kl. 21.03
Sted: ELNESVÅGEN

Re: Ane Jonsdotter Dalen f 1799

Legg inn av Magnar Husby » 21. oktober 2010 kl. 2.59

Frå Gjemnesboka bind 1 side 372:
"Pladsens navn bliver Søstervold, beliggende nær enden for Dalens huuse og tæt over den allfahre Wey. Herforuden har hans broder, min Leiglending, Ole Pedersen Dahlen, med mitt minde, overladt ham et Engstykke, nær for Sørdahlen, kaldet Sørliteigen, herefter Brorsteigen". Dette står i festekontrakten Jon Pederson Dalen inngikk med Jens L. Bull da husmannsplassen, seinare mest kalla "Trøa", vart etablert. Det vart altså innført to nye namn: "Søstervold" og "Brorsteigen". Namnet "Brorsteigen" vart innført fordi Jon fekk han frå broren Ole. Vart plassen kalla "Søstervold" fordi Ane Jonsdotter var søstera til Berit Jonsdotter, gift med Ole?
Ettersom Leivdal ikkje skriv meir, står det truleg ikkje meir i kontrakten som kan kaste lys over saka, men dette peikar jo klart i same lei som dei andre indisiane.

Magnar Husby
Innlegg: 562
Registrert: 25. mars 2009 kl. 21.03
Sted: ELNESVÅGEN

Re: Ane Jonsdotter Dalen f 1799

Legg inn av Magnar Husby » 21. oktober 2010 kl. 3.08

Temanamnet burde no ha vorte endra til "Anne Jonsdotter Dalen f 1799 og Anne Jonsdotter Dalen f 1763" men det er vel ikkje muleg?

Brukeravatar
Jonny Lyngstad
Innlegg: 332
Registrert: 5. desember 2004 kl. 10.20
Sted: LYNGSTAD

Re: Ane Jonsdotter Dalen f 1799

Legg inn av Jonny Lyngstad » 22. oktober 2010 kl. 0.06

Det du skriver her om at Ane Jonsdtr. og Berit Jonsdtr. var søstre, er gammelt nytt.

Les dette skiftet fra 25. august 1838 - s. 300b
Det løser opp floken angående søskenflokken på s. 295 i Sunndalsboka b. 4

http://www.arkivverket.no/URN:sk_read/24663/26

Jeg har skrevet om flere fra denne familien i bygdebøkene for Eide:
Berit i Eideboka b. 1, s. 410 og Jøstein i Eideboka b. 3, s. 353.

Lykke til videre med å finne svar på spørsmålet om opphavet til predikanten. Det høres logisk ut det du skriver.
Artig det med navna på de 2 gardpartene. Jeg tror dine antagelser er riktige angående navngivinga.

Magnar Husby
Innlegg: 562
Registrert: 25. mars 2009 kl. 21.03
Sted: ELNESVÅGEN

Re: Ane Jonsdotter Dalen f 1799

Legg inn av Magnar Husby » 22. oktober 2010 kl. 7.19

Takk Jonny! Dette var fantastisk! Her får ein stadfesta det eine etter det andre, det eg har slite med å få sett saman over mange år om denne familien:
1.)At Nils Jonson f1760, på husmannsplassane Husbakken under Melkild (Sunndalsboka b5 s43) og Småskog under Øvre Jordal (Sunndalsboka b5 s87), tipptipptipp-oldefaren min, verkeleg var bror i søskenflokken (det står ingen stader i Sunndalsboka)
2.) At Nils Jonson f1755, som hadde denne husmannsplassen under Myrset i Nesset, verkeleg er denne broren. Han hadde ikkje born sjølv, men var stefar/fosterfar for ei av døtrene til broren Jøsten.
3.)At Lars Jonson på Børset i Øksendalen i Sunndalsboka bind 4 s326 ("hans foreldre og fødselsår er ikke funnet" - sjølv om faren er nemnt like framfor), seinare på Dønnem og Høgset, skulle ha stått der i søskenflokken på Bruset i Sunndalsboka b4 s295 som den eldste.
4.)At iallfall ein av Anders'ane levde opp, truleg ikke dei nemnt i Sunndalsboka b4 s 295, men ein fødd i 1773 på Børset (upaginert tillegg i kyrkjeboka for Sunndal 20.mai), og at han flytta til Trondheim (og det skal bli interessant å leite etter han og sjå om han hadde noko samband med Rytterslekta der - for ifølgje mange indisium var mor deira, Dordi, identisk med Dorothea Catharina Nilsdotter Rytter f1731 på Skrivargarden på Kvanne i Stangvik (no Surnadal).
5)At Jøsten Jonson i Karakalia og Jon Jonson på Høgset og Hol (og truleg budde han på Dønnem og) er dei nemnt i Sunndalsboka b4 s295.
6)At Berit Jonsdotter budde på Hjelkrem i 1835
7)At Ane Jonsdotter Dalen altså verkeleg var var Ane f1763 i Sunndalsboka b4 s295

Eg har ikkje klart å tyde heile skiftet, og det kan vere viktige opplysningar gøymt der enno, så eg får berre arbeide meir med tydinga.

Magnar Husby
Innlegg: 562
Registrert: 25. mars 2009 kl. 21.03
Sted: ELNESVÅGEN

Re: Ane Jonsdotter Dalen f 1799

Legg inn av Magnar Husby » 22. oktober 2010 kl. 7.51

Når det gjeld identifikasjonen av Ane Jonsdotter Dalen f1799 arbeider eg akkurat no med å kartleggje brørne hennar. Broren Jon Jonson er godt dokumentert i Gjemnesboka b1 s368. Broren Johannes Jonson er vel truleg han som er føderådsmann på ein plass under Sjømæling i folketeljinga 1865, og eldstebroren Peder Jonson kan vere han i 1865 på Aspmekren, som det står ganske mykje om i Straumsnesboka. Lenger har eg ikkje kome her. Eg leitar akkurat no etter dåpenen deira og giftarmålet til foreldra.
Når det gjeld fadderlistene til barna til Ane Jonsotter i Graven i Jordalsgrend, står det att å gå grundig inn i dei. Men hovudproblemet med dei, er at svært mange har tilknytning til slekta. Mellom anna er ei Mildrid Lien fadder for Ane i 1828, og det er nok truleg Mildri Nilsdotter Melkild/Jordal/Lien f 1796 i Husbakken, og altså dottera til Nils Jonson Bruset f 1760, eventuelt søskenbarnet til Ane Jonsdotter. Men ho var og nabokone på plassen Liaplassen, som ligg berre ein halvtimes gange frå Grava.
Eg har og leita etter diverse skifte, men ikkje funne noko enda.

Brukeravatar
Jonny Lyngstad
Innlegg: 332
Registrert: 5. desember 2004 kl. 10.20
Sted: LYNGSTAD

Re: Ane Jonsdotter Dalen f 1799

Legg inn av Jonny Lyngstad » 22. oktober 2010 kl. 21.49

Flott at du fikk bruk for det jeg skrev.
Artig at du var i slekt med disse.

Det finnes mange slike slektsopplysninger i skifta som ikke er brukt i de bygdebøkene som har kommet ut.
Dessverre har mange forfattere ikke hatt tid til å gå gjennom skifta. Her ligger masse opplysninger og venter på at vi skal få dem fram i lyset.

Jeg har lest gjennom alle skifta for Nordmøre i tidsrommet 1668 til 1841, og jeg har nedskrevet mange slike opplysninger som jeg tok fram i mitt innlegg.

Dessverre har jeg ikke tid til å legge dem ut på nettet. Ett og annet dryppet kommer når jeg har tid til å slå opp når det er spørsmål på f.eks. Slektsforum.

Johannes Jonsen ble gift 11. juli 1830 med enka Ane Sørensdtr. på Sjømæling, se Gjemnes b. 2, s. 347.

Denne karen fikk 2 barn med ei tjenestetaus, og dette skjedde mens han var gift, altså i ekteskapet.
Se nr. 12 i 1854, s. 175 - http://www.arkivverket.no/URN:kb_read?i ... _side=-173

Se nr. 30 i 1857, s. 4 - http://www.arkivverket.no/URN:kb_read?i ... dx_side=-8

Dette ble helt sikkert innrapportert til høyere myndigheter, amtmannen. Kanskje havna han på straff? Dette er verdt å undersøke i arkivet i Trondheim.

Han døde i 1879 som fattiglem på Skei - http://www.arkivverket.no/URN:kb_read?i ... _side=-182

Han er sikkert nevnt i lensmannens lister over døde, men der står det trolig ikke noe om hans søsken, som da var hans arvinger, sia det ikke var noe å dele etter ham.

Magnar Husby
Innlegg: 562
Registrert: 25. mars 2009 kl. 21.03
Sted: ELNESVÅGEN

Re: Ane Jonsdotter Dalen f 1799

Legg inn av Magnar Husby » 23. oktober 2010 kl. 1.40

Eg fann iallfall ikkje noko skifte etter Johannes. Takk til Jonny for opplysningane om Johannes.
Eg har leita i fadderlistene for Øksendal før Ane Jonsdotter Graven gifta seg i håp om at ho skulle ha vore fadder med eit etternamn eller liknande som kunne seie kor ho kom frå, men fann ikkje noko. Derimot er det truleg at det likevel var ho som var fadder til Halvor Eriksen Jordal f 1822 på plassen Jordalsnesset, sjå lenkja:

http://www.arkivverket.no/URN:NBN:no-a1 ... 630266.jpg

Da står det Ane Ned: Jordahl, med eit ord bakom som truleg er forkorting for tjenestepige. Jordalsnesset ligg og under Nedre Jordal, så kvar ho var i teneste, er uvisst, men i fadderlista opptrer og Lars Graven (som kanskje er den Lars Graven ho vart gift med). Men det er ikkje unaturleg om det var på denne plassen ho tente, for mora til barnet, Mali Halvorsdotter fødd på Mo på Ålvundeidet 1780, var søskenbarnet til Ane Jonsdotter Dalen f1763. Faren Erik Olsen var frå den nærliggjande garden Nedre Jordal der Marit Danielsdotter Børset var gift i 1814. Ho var brordotter til Sigrid Johansdotter gift med Lars Jonson Bruset/Børset/Dønnem/Høgset. To andre brordøtre var gift på Lia-gardane i Jordalsgrenda, den eine i 1808, den andre i 1823, og på Liaplassen under den første av desse, budde det eventuelle søskenbarnet til Ane Jonsdotter f1799, Mildri Nilsdotter f1796. Til slutt: På den andre garden i Nedre Jordal var det ein bror av Mali Halvorsdotter, altså enda eit søskenbarn av Ane Jonsdotter f1763, Jøsten Halvorson f1770, som var gardbrukar på denne tida. Folk frå alle desse gardane og plassane er fadrar til ungane til Lars og Ane i Graven.

Magnar Husby
Innlegg: 562
Registrert: 25. mars 2009 kl. 21.03
Sted: ELNESVÅGEN

Re: Ane Jonsdotter Dalen f 1799

Legg inn av Magnar Husby » 23. oktober 2010 kl. 8.56

Eg gløymde å nemne at ein onkel av Ane Jonsdotter f1763, Ole Jøstenson, var gardeigar på nærliggjande Melkild. Han døydde i 1809, men dottera hans, søskenbarnet til Ane , var fadder da vekkjelsespredikanten Gunnar vart døypt. Ho tok over garden og var gift med Ole Andersson frå Åfar i Jordalsgrenda, og folk derifrå er og fadrar.
Etter no å ha arbeidd meg ned i fadderhistoria i Graven, ser eg at dette er ein sterk indikasjon på at Ane Jonsdotter f1799 på Dalen verkeleg er den same som Ane Jonsdotter Graven. Ane si næraste slekt er med som fadrar heile tida, medan andre gardar og plassar i Jordalsgrenda, for eksempel dei på Øvre Jordal og Lillemelkild og i Nestua på Stormelkild, ikkje ser ut til å vere representert. Presten som har ført kyrkjeboka på denne tida har gjort det enkelt og sløyfa både patronymium og gardsattributt, så det er ikkje enkelt å identifisere fadrane, men tendensen er likevel eintydig.

Knut Sæther
Innlegg: 2978
Registrert: 23. januar 2007 kl. 11.36
Sted: Øksendal

Re: Ane Jonsdotter Dalen f 1799

Legg inn av Knut Sæther » 23. oktober 2010 kl. 17.15

Hei Magnar – vil berre gjere merksam på ei Anne Jonsdotter Dalen som vart konfirmert i Øksendalen i 1817, 18 år gammel. Dette treng ikkje vere ”di” Anne, men eg kan iallfall ikkje sjå at ho kom frå nokon av dei to Dalen-gardane i Sunndal. Eg kan heller ikkje finne nokon som passar til denne konfirmanten i FT 1801 for Sunndal. Om det ikkje er gjort, bør det undersøkast om Anne Jonsdotter Dalen f. 1799 i Øre er registrert konfirmert i soknet ho var døypt.

Helsing Knut.

Magnar Husby
Innlegg: 562
Registrert: 25. mars 2009 kl. 21.03
Sted: ELNESVÅGEN

Re: Ane Jonsdotter Dalen f 1799

Legg inn av Magnar Husby » 23. oktober 2010 kl. 22.54

Eg har gjort det ein gong og fann henne ikkje. Men tek det ein gong til for å vere sikker.

Magnar Husby
Innlegg: 562
Registrert: 25. mars 2009 kl. 21.03
Sted: ELNESVÅGEN

Re: Ane Jonsdotter Dalen f 1799

Legg inn av Magnar Husby » 25. oktober 2010 kl. 0.10

Eg finn ingen Ane Jonsdotter Dalen konfirmert i Tingvoll i tidsrommet 1814 - 1819. Vi sit med andre ord att med enda ein indikasjon på At Ane Jonsdotter Graven var identisk med Ane Jonsdotter Dalen i Øre.

Svar

Gå tilbake til «Gjemnes»